மருத்துவ முகாம்

அல்லாஹ்வின் கிருபையால், பஹ்ரைன் மண்டல விடுமுறை தினத்தை சிறந்த முறையில் கழிக்க மற்றும் மக்களுக்கு பயனுள்ள வகையில் அமைய கடந்த 17-12-2012 அன்று தமிழ்நாடு தவ்ஹீத் ஜமாஅத் சார்பாக இரத்த தான, இரத்த அழுத்தம் இரத்தத்தில் சர்க்கரை கண்டறியும் முகாம் மற்றும் கண் பரிசோதனை முகாம் போன்ற முகாம்கள் நடைபெற்றது.

இந்த நிகழ்ச்சியில் அதிகமான மாற்று மத சகோதரர்களும் கலந்து கொண்டு பயன் பெற்றனர். குறிப்பாக இரத்த தான முகாமில் மனிதநேயத்தை பறை சாற்றும் விதமாக பல மாற்று மத அன்பர்களும் கலந்து கொண்டனர். இந்த நிகழ்ச்சியில் நூற்றுக்கும் அதிகமான சகோதரர்கள் குருதி கொடை அளித்தனர்.

மேலும் இந்த நிகழ்ச்சியில் அமைக்கப்பட்டிருந்த இரத்த பரிசோதனை முகாம்களிலும் அதிகமான மாற்று மத சகோதரர்கள் உள்பட பல சகோதரர்கள் கலந்து கொண்டு பயனடைந்தனர்.

இந்த நிகழ்ச்சியில் கலந்து கொண்ட மாற்று மத சகோதரர்களுக்கு இஸ்லாத்தை அறிந்து கொள்ளும் வகையில் பல புத்தகங்களை இலவசமாக வழங்கப்பட்டது.

இந்த நிகழ்ச்சியில் பெரும் திரளாக மக்கள் கலந்து கொண்டனர். எல்லாப்புகழும் இறைவனுக்கே!!!

Share